Kazan şäherinde türkmen tagamyny taýýarlamak boýunça ussatlyk sapagy geçiriler
19-20-nji awgustda Russiýanyň Kazan şäherinde ýaşlar sport uniwersidasynyň geçirilmeginiň 10 ýyllygyna bagyşlanyp, "Tagamly Kazan" ady bilen iýmit festiwaly geçiriler. Bu çärä gatnaşyjy myhmanlar şäheriň 80 töweregi restoranynyň we garbanyşhanasynyň taýýarlan dünýäniň dürli halklarynyň tagamlary dan lezzet alyp bilerler.
Kazan Kremlinde geçiriljek iýmit festiwalynyň çäklerinde türkmen palowyny taýýarlamak boýunça ussatlyk sapagy gurallar diýip, Türkmenistanyň Kazan şäherindäki baş konsullygy habar berýär.
Festiwala gelýän myhmanhanalara 300 litrlik samowarda çaý, şeýle-de şäheriň iň ökde aşpezleriniň taýýarlan tagamlary hödür ediler. Şeýle hem restoran işewürligini ösdürmek boýunça maslahatlar geçiriler.
Häzirki wagtda Kazan şäherinde 3,7 müň türkmen talyby bilim alýar. Olar ýurdumyzyň adyndan wekilçilik edip, şäherde geçirilýän dürli medeni we sport çärelerine işjeň gatnaşýarlar. Şu gezekki festiwalda milli senetçilik önümleri hem görkeziler. 2015-nji ýyldan bäri, her ýyl geçirilip gelýän festiwala geçen ýyl 40 müňden gowrak myhman baryp görüpdir.
ORIENT news
