Drakulanyň hatlary alymlara grafyň keseilini anyklamaga kömek edýär
Beýleki ýarawsyzlyklary bilen bir hatarda, Wlad Drakula ady bilen hem tanalýan şazada Wlad Sepeşiň gemolakriýa keseliniň bardygy we şonuň üçin Rumyniýanyň hökümdarynyň göni manyda ganly gözýaş bilen aglaýandygy kesgitlendi. Bu kesgitleme, grafyň gorkunç keşbini düşündirip biler.
Italiýadan we Rumyniýadan gelen ylmy himikler topary gözleg geçirdi we rumyn şazadasynyň kösenýän kesellerini kesgitledi. Bilermenler Wallahiýanyň hökümdary tarapyndan ýazylan hatlaryň himiki derňewini geçirdiler.
Haçanda adam eli bilen ýazanda, ol dürli himiki maddalaryň we deri molekulalarynyň galýan kagyza barmaklary we elleri bilen degýär. Alymlar taryhy resminamalarda şuňa meňzeş yzlary we nusgalary ýygnadylar. Olar etilen winil asetaty ulandylar - bu madda kagyzyň ýüzüne çalyndy we ýygnanan material köpçülik spektrometri arkaly synag edildi.
Derňew görkezdi: şazada siliopatiýadan ejir çekipdir. Bu öýjükleriň we organlaryň işini bozýan genetiki keseldir. Şeýle hem dem alyş we deri kesellerine sebäp bolup biljek sowuklama alamatlary bardy.
Ondan başga-da, gemolakriýany ýüze çykardylar - şeýle bozulmada göz ýaşardyjy kanallardaky suwuklyk gan bilen garylýar. Başgaça aýdylanda, Wlad Sepeş ganly gözýaş bilen aglaýardy.
Wlad Sepeş – XV asyrda Wallahiýany dolandyran meşhur gahryman Drakula üçin mümkin bolan ylham. Ol öz topragyny höwes bilen goraýjy hökmünde tanalýardy. Muňa 80 müňe çenli Osmanly esgeriniň ýok edilmegine gatnaşmagynyň taryhy hakykatlary şaýatlyk edýär.
ORIENT news
