GDA-nyň II oýunlarynda türkmen samboçylary bürünç medallara eýe boldular
Iki türkmen sportçysy Sapar Döwletow we Guwanç Begalyýew Belarusda geçirilen GDA-nyň II oýunlarynyň soňky gününde samboda bürünç medallara eýe boldular.
Sapar Döwletow 94 kilograma çenli agram derejesinde bürünç medal gazandy. Ýene bir bürünjiň eýesi Russiýaly Alekseý Zaýtsew boldy. Ikinji orunda Mongoliýanyň wekili Enebiş Battseren bar. Bu agramdaky çempionlygy Özbegistandan Kabulhan Ahmedow aldy.
Guwanç Begalyýew 98 kilograma çenli agram derejesinde türkmen milli ýygyndysyna ýene bir bürünç medal getirdi. Ondan başga-da, azerbaýjanly Rasul Aýdamirow münberiň üçünji basgançagyna çykdy. Kümüş medaly rusiýaly Ýegor Osipow gazandy. Altyn medal Özbegistandan Ihtiýor Eşmuradowa berildi.
GDA ýurtlarynyň II oýunlarynda SAMBO ýaryşlary 12-nji we 13-nji awgustda Žlobin şäherinde (Belarus Respublikasy) geçirildi. Olara 10 ýurtdan türgenler gatnaşdy. Jemi 14 toplum dürli agram kategoriýalarynda baýraklae oýnaldy.
GDA ýurtlarynyň II oýunlary Belarusda 4-nji awgustdan 13-nji awgust aralygynda 20 sport görnüşinde geçirildi. Olara 20-den gowrak ýurda wekilçilik edýän 2,2 müňden gowrak türgen gatnaşdy. Ýapylyş dabarasy 13-nji awgustda Minsk-Arenada geçirildi.
Türkmenistanyň milli ýygyndysynyň Belarusda GDA ýurtlarynyň II oýunlarynda medallaryň umumy sany boýunça onunjy hatary eýeländigini bellemelidiris. Türkmen toparynyň 18 baýragy bar (3 kümüş we 15 bürünç medal).
ORIENT news
