Hytaý teleýaýlymynda Türkmenistan barada dokumental filmler görkeziler
Pekindäki türkmen diplomatik wekilhanasynda Türkmenistanyň ilçisi Parahat Durdyýew bilen «CHINA MEDIA GROUP» döwlet agentliginiň CCTV kanalynyň «The Beauty of Shared Arts» programmasynyň baş prodýuseri Fan Tin we onuň toparynyň arasynda duşuşyk geçirdi.
Gepleşikleriň esasy mowzugy Hytaýda Türkmenistan barada onbir sany 90 minutlyk dokumental filmiň görkezilmegi boldy. Filmler türkmen halkynyň medeni, taryhy we ruhy gymmatlyklaryna bagyşlanýar. Filmiň görkezilişi oktýabr aýyna meýilleşdirilip, Hytaý telewideniýesinde görkeziler.
Duşuşyga gatnaşan teleýaýlymyň baş redaktory Şao Wenýao, hytaý teleýaýlymçylarynyň türkmen halkynyň medeni mirasy barada 90 minutlyk publisitiki film düşürip, ony Hytaýda millionlarça tomaşaça hödürlejekdigini aýtdy. Şunuň bilen baglylykda Parahat Durdyýew myhmanlara Türkmenistanyň özboluşly taryhy we medeni mirasy, şol sanda dünýä belli türkmen halylary we ahalteke atlary, şaý-sepleri we milli el işleri barada gürrüň berdi.
Diplomat, «Gorogly» dessany, türkmen milli haly dokamak sungaty we türkmen milli «Kuştdepdi» aýdym we saz sungaty, dutar ýasamak senetçiligi we ýerine ýetiriş we bagşyçylyk sungaty ýaly ÝUNESKO-nyň adamzadyň maddy däl medeni mirasynyň sanawyna girizilen milli nominasiýalarda jikme-jik durup geçdi.
Taraplar, şeýle hem, Türkmenistanyň medeniýet pudagyndaky halkara hyzmatdaşlygyna ünsi çekdiler. Ýurdumyzyň daşary syýasat strategiýasynyň maglumat alyşmak we aragatnaşyk pudagynda, şol sanda hytaýly hyzmatdaşlar bilen täsirli özara aragatnaşyk üçin giň mümkinçilikleri açýandygy bellenildi.
Şunuň bilen baglylykda, Hytaýyň CCTV habar agentliginiň HHR-iň abraýly neşirlerinde döwletiň içerki we daşary syýasatyny beýan etmekde we ýurdy halkara metbugat giňişligine goşmakda Türkmenistanyň möhüm hyzmatdaşlaryndan biridigi bellendi.
Duşuşyga gatnaşyjylar Milli Liderimiz Gurbanguly Berdimuhamedowyň türkmen haly dokamak sungatyna, ahalteke atlaryna we beýleki milli gymmatlyklaryna bagyşlanan kitaplarynyň ähmiýetini ara alyp maslahatlaşdylar. Bu kitaplar daşary ýurt dillerine terjime edildi we daşary ýurtly okyjylar üçin elýeterli edildi.
Duşuşygyň ahyrynda türkmen ilçisi hytaýly myhmanlara Gurbanguly Berdimuhamedowyň «Türkmeniň döwletlilik ýörelgesi», «Ganatly bedew», «Atda wepa-da bar, sapa-da» kitaplaryny gowşurdy we olara üstünlik arzuw etdi.
ORIENT news
