Özbegistanda zir-zibil nusgawy sazlar bilen çykarylyp başlandy
Bah we Mosart ýaly beýik kompozitorlaryň nusgawy saz eserleri indi Özbegistanlylara jemagat gulluklarynyň zibil çykaryp başlaýandyklaryny habar berýär. Täze synag Daşkendiň we ýene iki welaýatyň – Kaşkadarýa we Buharanyň häkimleri tarapyndan başlandy diýip, respublikanyň Ekologiýa, daşky gurşawy goramak we howanyň üýtgemegi ministrligine salgylanyp Özbek metbugaty habar berýär.
Täzeligiň sebäbi, ýurduň ýaşaýjylarynyň zibil awtoulaglaryndan çykýan ýiti ses signallaryndan nägilelikleri boldy. Ýolbaşçylar muňa jogap edip täze habar beriş usulyny teklip etdiler: «Öý zibillerini klassiki sazyň sesine çykarmak kararyna gelindi», - diýip ministrligiň metbugat beýanatynda aýdylýar.
Indi, zibil ulaglary belli sazlardan bölekler, mysal üçin Bahyň «Degişme» ýa-da Mosartyň «Türk marşy» atly sazlaryndan bölekler bilen gelendiklerini habar berýär. Eger täze usuly ýaşaýjylar tarapyndan makullasa, ol ähli Özbegistanda giriziler.
ORIENT news
