Türkmen ýaýçysy GDA ýurtlarynyň II oýunlarynyň bürünç medalyna eýe boldy
8-nji awgustda 15 ýaşly ýaýçy Ezizmuhammet Sähedow GDA ýurtlarynyň II oýunlarynda türkmen ýygyndy toparynyň gaznasyna ýene bir bürünç medal getirdi. Ol şahsy hasap boýunça hormat münberiniň üçünji basgançagy ugrundaky göreşde 7:1 hasabynda russiýaly Sodnom Budaýewden öňe geçdi.
Onuň kakasy, Milli Ýaýdan ok atmak federasiýasynyň başlygy we türkmen milli ýygyndysynyň baş tälimçisi Wepa Sähedow sb.by bilen söhbetdeşlikde şeýle diýdi:
— Netijeden hoşal. Oglum bu ýerdäki türgenleriň iň ýaşy, ýöne 25 ýaşap barýan garşydaşlarynyň hem köpüsinden öňe geçdi. Saýlawda türgenler 72 atuwy amala aşyrdylar, Ezizmuhammet 10-njy ýeri eýeledi. Tizara Ermenistanyň wekili Dawtýan bilen bäsleşip, 6:0 hasabynda ýeňiş gazandy. Ondan soň belarus Prilepow (5:6) we russiýaly Mahmudow (6:2) bilen ýaryşdy. Emma russiýaly ýene bir türgen Syrendoržiýew bilen ýarym final diýseň täsirli boldy. Ilki 5:5 netije görkezdiler, soň türgenlere hersine bir ok berildi: kim ýakynlaşsa, ýeňiş şoňky bolmaly. Ezizmuhammet sekizlige düşdi, garşydaşy bolsa dokuzlyga.
Ozal ýurdumyzyň ýygyndy topary Oýunlarda dzýudo we agyr atletika boýunça medallara mynasyp bolupdy.
ORIENT news
