Türkmenistan we Hytaý ýaşlar syýasaty babatynda gepleşikleri güýçlendirmek isleýär
iş sapary bilen Aşgabada gelen Hytaýyň Kommunistik partiýasynyň hemişelik agzasy, Gansu welaýat komitetiniň wagyz ediş bölüminiň başlygy Çžan Ýunsýa bilen duşuşdy.
Duşuşykda taraplar özara gyzyklanma bildirilýän ugurlar boýunça okgunly ösýän türkmen-hytaý hemmetaraplaýyn strategiki hyzmatdaşlygynyň häzirki ýagdaýy we geljegi barada pikir alyşdylar.
Medeni-ynsanperwer hyzmatdaşlyk wajyp ugurlaryň biri hökmünde belleni. Bu nukdaýnazardan Türkmenistanyň medeniýet, bilim, ylym ýaly ugurlarda hyzmatdaşlygyň ösmegine, şeýle hem hytaý dilini öwrenmäge aýratyn üns berýändigi nygtaldy. Şunuň bilen baglylykda, ýaşlar syýasaty pudagynda hyzmatdaşlygy güýçlendirmek arkaly gatnaşyklary giňeltmäge gyzyklanma bildirildi.
Taraplar Türkmenistanyň bilen Gansu welaýaty arasyndaky üstünlikli hyzmatdaşlygyny nygtadylar. Bu ugurda Gansu welaýatynda ýerleşýän Lançžou we Aşgabat şäherleriniň doganlaşan gatnaşyklarynyň ähmiýeti belellenildi.
Şeýle hem, Hytaý tarapy Türkmenistany şu ýylyň 6-8-nji sentýabr aralygynda Gansu welaýatynyň Dunhuang şäherinde geçiriljek «Ýüpek ýoly» 6-njy halkara medeni sergisine hormatly myhman hökmünde gatnaşmaga çagyrdy.
ORIENT news
