Alymlar juma gününi iş üçin hepdäniň iň az öndürijilikli güni diýip atlandyrdylar
Tehas uniwersitetiniň alymlarynyň tejribesine uly energetika kompaniýasynyň işgärleri gatnaşdylar. Iki ýylyň dowamynda, 2017-nji ýylyň 1-nji ýanwaryndan 2018-nji ýylyň 31-nji dekabry aralygynda synçylar 789 işçä syn etdiler, ýagny kompýuteriň ulanylyş görkezijilerini: ýazmagyň tizligi, ýazuwda ýalňyşlyk we syçanjygyň işjeňligini seljerdiler. Synlar, ofis işgärleriniň haýsy wagtda has işjeň däldigini we ýalňyşlyklara has ýykgyn edýändigini anyklamaga mümkinçilik berdi diýip, Plos ONE ýazýar.
Topar öndürijilige baha bermek üçin hepdäniň dürli günlerinde we günüň dürli wagtlarynda kompýuteriň ulanylyş usullaryny deňeşdirdi. Işgärleriň günüň ikinji ýarymynda we anna günleri az öndürijilikli bolandygy, iş üçin iň amatsyz wagtyň bolsa anna gününiň ahyrydygy kesgitlendi.
«Adamlar has köp söz ýazýardylar, syçanjygy has köp ulanýardylar we her gün duşenbe gününden penşenbe günleri sahypalary görýärdiler. Soňra anna güni bu işjeňlik azaldy», – diýip ylmy taslamanyň awtorlary beýan etdiler.
Alymlaryň pikrine görä, ofisdäki we «uzakdaky» işleri birleşdirýän çeýe meýilnamanyň ýa-da gibrid ulgamyň girizilmegi zähmet öndürijiligini ýokarlandyryp biler. Şeýle çäreler ofis işgärleriniň beden we akyl saglygyna hem peýdaly täsir edýär diýip, habarda aýdylýar.
ORIENT news
