GDA ýurtlarynyň II oýunlarynda Türkmenistan taryhy medal gazandy
Agyr atletikaçy Ýulduz Jumabaýewa GDA ýurtlarynyň oýunlarynda medal gazanan Türkmenistanyň taryhynda ilkinji wekil boldy.
Türkmen türgeni Ýulduz Jumabaýewa 4-nji awgustda Belarusda başlanan GDA ýurtlarynyň II oýunlarynda 49 kilograma çenli agram derejesinde kümüş medal gazandy. Bu barada Türkmenistanyň bedenterbiýe we sport baradaky döwlet komitetinde ORIENT-iň habarçysyna habar berdiler.
Iki dersiň netijelerine görä, dünýä çempiony – 2018 we ýetginjekleriň arasynda Aziýa çempionatynyň ýeňijisi 161 kg-da (71 + 90) netije görkezip, umumy agramyny 171 kg-da (77 + 94) alan Russiýaly Ýelizaweta Žatkina ilkinji setiri berdi. Wýetnamly wekil Thi Ngok An Do üçünji orny - 148 kg (68 + 80) eýeledi.
Türkmenistan, wekiliýetiň düzüminde 110 adam bilen bu ýaryşa ilkinji gezek gatnaşýar.
Sportuň 13 görnüşi boýunça 80-e golaý türgen ýurdumyza wekilçilik eder. Olaryň esasy bölegi söweş sungaty - boks, taý boksy, karate, dzýudo, sambo, grek-rim göreşi, erkin göreş, şeýle hem ýeňil atletika we agyr atletika, 3x3 basketbol (erkekler), okdan we ýaýdan atmak bar.
Bäsleşige 6 müňden gowrak adamyň, şol sanda 4 müň türgeniň, 900 tälimçiniň we 800 kazynyň gatnaşmagyna garaşylýar. GDA ýurtlarynyň köptaraplaýyn forumy Belarusyň 11 şäherinde geçiriler.
ORIENT news
