Emeli intellekt Google-a we onuň müşderilerine ekologiýa ýetirilýän zyýany azaltmaga ýardam berýär
Google öz alyp barýan işinde ekologiýa abadançylygyna möhüm üns berýär, Ýer şarynyň geljegi barada alada edýär. Kompaniýa müşderilerine daşky gurşawa ýetirýän ýaramaz täsirlerini azaltmaga kömek bermek üçin, öz hyzmatlarynda emeli intellekti ulanýar.
Hususan-da, Google kartalary has oňaýly ugry saýlap almak hem-de ýangyjyň sarp edilşini azaltmak üçin aýratyn algoritmleri ulanýar. Mundan başga-da Google daşky gurşawa täsiri peseltmek üçin akkumulýator batareýalaryň zarýadynyň sarp edilşini azaltmaga çalyşýar.
Kompaniýa her ýylky hasabatynda özüniň bu ulgamdaky ýeten sepgitlerini jikme-jik beýan edýär hem-de tebigy serişdeleri aýawly saklamak boýunçy umumy tagallalara goşýan goşandyny görkezýär.
Google zyňyndylary azaltmak hem-de klimat wehimlerini aradan aýyrmak boýunça çözgütleri kabul etmekde müşderilere ýardam bermäge ukyply, dünýäde iň netijeli data merkezlere eýedir.
Google Cloud-yň emeli intellekte esaslanýan Active Assist funksiýasy artykmaç, peýdasyz zähmeti ýüze çykarmaga we şunuň bilen birlikde, uglerod zyňyndylaryny azaltmaga hem-de maliýe serişdelerini tygşytlamaga ýardam berýär.
ORIENT news
