Türkmenistanyň futzal topary CAFA FUTSAL CUP-2023 ýaryşynda Gyrgyzystany ýeňdi
Türkmenistanyň milli futzal topary CAFA FUTSAL CUP-2023-iň dördünji tapgyrynda Gyrgyzystany ýeňdi. Duşenbe şäherinde geçirilen duşuşyk 2:0 hasabynda tamamlandy.
Türkmen toparynyň derwezeçisi Meretgeldi Gurbanow oýnuň iň gowy oýunçysy diýlip ykrar edildi.
Paralel oýunda Eýran Özbegistany 5:0 hasabynda ýeňdi. Ýaryşyň ýer eýeleri – Täjigistan Owganystan bilen duşuşar.
30-njy iýulda geçiriljek jemleýji tapgyrda Türkmenistan Owganystan bilen, Özbegistan Gyrgyzystan bilen, Täjigistan bolsa Eýran bilen oýnar.
CAFA Futsal Cup-2023, Merkezi Aziýanyň milli ýygyndy toparlarynyň arasynda ilkinji ýaryş. Halkara ýaryş 23-30-njy iýul aralygynda Duşanbe (Täjigistan) şäherinde geçirilýär.
Sebitdäki iň güýçli toparyň ady ugrunda Türkmenistanyň, Owganystanyň, Eýranyň, Gyrgyzystanyň, Täjigistanyň we Özbegistanyň milli ýygyndy toparlary göreşýär.
Bäsleşikler, her topar garşydaşy bilen oýnajak tegelek ulgamynda geçirilýär. Ýeňiji topar, toplanan nutuklara görä kesgitlener.
ORIENT news
