Pakistan TAPI taslamasynyň durmuşa geçirilmegine arap maýa goýumlaryny çekmekçi
Pakistanyň täze ýörite maýa goýumlaryny ösdürmek geňeşi (SIFC) Pars aýlagynyň arap ýurtlaryna maýa goýumlary, şol sanda TAPI gaz geçirijisi taslamasy bilen teklip ediljek milliardlarça dollarlyk 28 sany ileri tutulýan taslamany tassyklady.
Bu ädim, Pakistanyň ykdysadyýetiniň energiýa çeşmeleri barada hemişe gyzyklanýan bu taslamanyň durmuşa geçirilmegine güýçli itergi bermek isleýändigini aňladýar.
2023-nji ýylyň iýun aýynyň başynda, Pakistanyň Yslamabady we Türkmenistan bilelikde TAPI-niň tizleşdirilen durmuşa geçiriş meýilnamasyna gol çekdiler. şonda dabarada çykyş eden Pakistanyň premýer-ministri Şehbaz Şarif Türkmenistan-Owganystan-Hindistan gaz geçirijisiniň sebitiň gülläp ösmegi üçin örän möhüm taslama bolup durýandygyny we sebit hyzmatdaşlygynyň täze döwrüni aňladýandygyny aýtdy. «TAPI-iň durmuşa geçirilmegini çaltlaşdyrmak üçin ähli tagallalary ederis»,-diýip Şarif nygtady.
SIFC-iň ileri tutulýan taslamalaryň sanawyny tassyklamagy, esasan Katardan, Saud Arabystanyndan, Birleşen Arap Emirliklerinden we Bahreýnden energetika, azyk we oba hojalygy we maglumat tehnologiýasy meýilnamalaryny durmuşa geçirmek üçin maýa goýumlaryny çekmäge gönükdirilendir.
SIFC-iň işine kanuny goldaw bermek üçin Pakistanyň mejlisi şu hepde düzgünnamalara we Maýa goýum geňeşiniň kararyna birnäçe üýtgetmeleri tassyklady. Bu meýilnamalaryň wagtlaýyn hökümetiň döwründe dowam etdirilmegini üpjün etmek üçin Saýlaw kanunyna üýtgetmeler girizildi diýip, Pakistanyň The Express Tribune gazeti habar berýär.
Pakistanyň milli maddy-üpjünçilik gaznasy hakynda ýene bir kanun hem işlenip düzülýär we daşary ýurtlar bilen bilelikdäki kärhanalar üçin SIFC tarapyndan tassyklanan taslamalarda deňlik üpjün eder.
Premýer-ministr Şehbaz Şarifiň sözlerine görä, Pakistan SIFC-ni «kararlaryň öz wagtynda kabul edilmegine ýardam bermek üçin federal we welaýat häkimlikleriniň arasyndaky synergiýany ösdürmek; tagallalaryň gaýtalanmagyndan gaça durmak; maýa goýujylaryň ynamyny ýokarlandyrmak we taslamalaryň çalt durmuşa geçirilmegini üpjün etmek» üçin döretdi.
TAPI gaz geçiriji taslamasynyň SIFC tarapyndan tassyklanan taslamalaryň sanawyna goşulmagy, Pakistanyň Maýa goýum geňeşiniň jogapkärçilik çägine goşulmagyny aňladýar. Bu bolsa arap maýadarlaryny özüne çekip, mümkin boldugyça gysga wagtda durmuşa geçirmek we ösdürmek ugrunda işlär.
TAPI – bu köp ölçegli başlangyç bolup, sebit we sebitara integrasiýa, hyzmatdaşlygy ýokarlandyrmak, gatnaşyjy ýurtlarda iş üpjünçiliginiň ösüşi we infrastrukturany ösdürmek ýaly köp ugurlara täsirini ýetirer.
ORIENT news
