Daşkentde Türkmenistanyň we Özbegistanyň konsullyk gulluklarynyň arasynda gepleşikler geçirildi
Penşenbe güni Daşkentde Türkmenistanyň we Özbegistanyň Daşary işler ministrlikleriniň wekilleri tarapyndan konsullyk geňeşmeleriniň nobatdaky tapgyry geçirildi.
Duşuşyga gatnaşan iki ýurduň daşary işler ministrlikleriniň konsullyk gulluklarynyň we hukuk goraýjy edaralarynyň işgärleri konsullyk boýunça türkmen-özbek hyzmatdaşlygy, şeýle-de raýatlaryň hukuklaryny we bähbitlerini goramak meselesini ara alnyp maslahatlaşdylar.
Bilermenler konsullyk-hukuk we hukuk goraýjy ugurlarda tejribe alyşmak, şeýle hem bu ugurda bilelikdäki taslamalary we başlangyçlary durmuşa geçirmek mümkinçiligine garadylar.
Gepleşikleriň netijesi boýunça taraplar gazanylan şertnamalaryň ýerine ýetirilişini düzgünleşdirýän teswirnama gol çekdiler – diýip, Özbegistanyň Daşary işler ministrliginiň metbugat beýanatynda habar berilýär.
ORIENT news
