Türkmenistanyň Merkezi saýlaw topary Arkadag şäheriniň Aba Annaew şäherçesiniň Geňeş agzalarynyň saýlawlarynyň netijelerini çap etdi
Türkmenistanyň Merkezi saýlaw topary 23-nji iýul, ýekşenbe güni Arkadag etrabynyň Aba Annaew şäherçesiniň Geňeş agzalarynyň saýlawlary barada maglumatlary çap etdi.
Şeýlelik bilen, MST-niň maglumatlaryna görä, saýlawlarda Geňeş agzalarynyň 5 ornuna 10 dalaşgär görkezildi. Ýurdumyzyň Demokratik partiýasy tarapyndan dalaşgärleriň dördüsi, Senagatçylar we telekeçiler partiýasy hem-de Agrar partiýasynyň hersinden üç dalaşgär hödürlenildi.
Ýerli öz-özüňi dolandyryş edarasy bolup durýan Geňeşleriň agzasy bolmak hukugy üçin bir ýere watandaşlarymyzyň arasynda uly abraýdan we ynamdan peýdalanýan mynasyp adamlaryň ikisi dalaş etdiler. Dalaşgärleriň 40%-iniň zenanlardygyny bellemek gerek.
Saýlawlarda hasaba alnan 236 saýlawçynyň 218-si, ýagny 92,37 göterimi, şol sanda 18 ýaşy dolan 4 ýaş saýlawçy ses berdi.
Ses berişligiň netijelerine görä, ýerli öz-özüňi dolandyryş edarasynyň 5 wekili saýlandy, olaryň arasynda ýaşlar hem bar.
ORIENT news
