Täjigistanyň ilçisi we Türkmenistanyň wise-premýäri ikitaraplaýyn gatnaşyklaryň giňelmegi barada pikir alyşdy
Türkmenistanyň Ministrler Kabinetiniň Başlygynyň orunbasary Taňryguly Atahallyýew duşenbe güni Täjigistanyň Aşgabatdaky ilçisi Wafo Alibek Niýatbekzoda bilen duşuşdy.
Duşuşykda taraplar ykdysadyýet we söwda, oba hojalygy, saglygy goraýyş, senagat, ylym we bilim pudaklarynda hyzmatdaşlygy ösdürmek meselesini ara alyp maslahatlaşdylar we iki ýurduň arasyndaky gatnaşyklary giňeltmek işinden kanagatlanma bildirdiler diýip, Täjigistan Daşary işler ministrligi habar berýär.
Şu ýylyň maý aýynda Prezidentimiz Serdar Berdimuhamedowyň Duşanbe şäherine eden saparynda, Türkmenistan we Täjigistan uly resminamalara, şol sanda strategiki hyzmatdaşlygy çuňlaşdyrmak jarnamasyna, saglygy goraýyş, weterinariýa, kiberhowpsuzlyk pudaklarynda hyzmatdaşlygyň hökümetler arasyndaky ylalaşyklara, ösümlikleriň karantiny, oba hojalygy we ulag we ş.m. pudaklarda özara gatnaşyklaryň «ýol kartalary» ýaly resminamalara gol çekdi.
Ýakynda Täjigistanyň Daşary işler ministri Sirojiddin Muhriddin Aşgabat şäherine iş sapary bilen geldi. Ony Prezidentimiz Serdar Berdimuhamedow kabul etdi.
ORIENT news
