Türkmen diplomatiki wekilhanasynyň baştutany Azerbaýjan bilen hyzmatdaşlygy ara alyp maslahatlaşdy
Türkmenistanyň Azerbaýjandaky ilçisi Gurbanmämet Elýasow respublikadaky kiçi we orta biznes Agentliginiň müdiriýetiniň başlygy Orhan Mamedow bilen iki döwletiň işewür toparlarynyň arasyndaky hyzmatdaşlygy giňeltmegiň gelejegini ara alyp maslahatlaşdy – diýip, Azertaž habar berýär.
Duşuşygyň barşynda Aşgabat bilen Bakuwyň arasyndaky özara gatnaşyklaryň meselelerine degip geçdiler. Azerbaýjan amatly maýa goýum gurşawy döreýän GDA-nyň has ösen ýurtlarynyň biridir.
Azerbaýjan agentligi kiçi we orta telekeçileriň bähbitlerini goramagy, hyzmatlaryň monitoringini, biznes-gurşawynyň döredilmegini, dürli ugurlardaky taslamalary maliýeleşdirmegi, şol sanda medeni-ynsanperwer häsiýetdäki taslamalary maliýeleşdirmegi özüne maksat edinýär.
Ýurtlaryň arasyndaky ykdysady aragatnaşyklar, esasanda, ýangyç-energetika gatnaşyklaryna esaslanýar: Türkmenistan Hazar deňzi arkaly respublika nebit iberýär, şeýle hem 2021-nji ýyldan başlap, Eýranyň üsti bilen gazy swoplaýyn iberýär.
ORIENT habarlar
