Teknofest tehologiki festiwaly startaplaryň bäsleşigine gatnaşmak üçin ýüz tutmalary kabul etmegiň möhletini uzaltdy
Türkiýede her ýylda geçirilýän aerokosmiki we tehnologiki innowasiýalaryň dünýä festiwaly Teknofest startaplaryň bäsleşigine gatnaşmak üçin ýüz tutmalaryň möhletiniň uzaldylýandygyny yglan etdi. Indi ýüz tutmalar 2023-nji ýylyň 31-nji iýulyna çenli kabul edilýär. Bu barada ORIENT-e Türkiýäniň Aşgabatdaky ilçihanasynyň medeniýet we syýahatçylyk Bölüminde habar berdiler. Möhletiň uzaldylmagy dürli ýurtlardan işläp düzüjileriň topary tarapyndan bäsleşige uly gyzyklanma bildirilmegi bilen baglanyşyklydyr.
Startaplaryň bäsleşigi Teknofest festiwalynyň çäklerinde geçirilýär, ol bu ýyl awgust-sentýabr aýlaryna Türkiýäniň iki şäherinde — Ankarada we Izmirde meýilleşdirilendir. Bäsleşige hem täze taslamalar, hem ozal festiwalyň tehnologiki bäsleşigine gatnaşan toparlar gatnaşyp bilýärler.
Bäsleşik ýokary tehnologiýalar, awiasiýa, kosmonawtika we ylma esaslanýan beýleki ulgamlarda startaplary ösdürmek bilen baglanyşykly 10 dürli tematikany gurşap alýar.Ýeňijiler üçin möçberi 7 million türk lirasyna deň bolan baýrak gaznasy göz öňüne tutulandyr.
Teknofest festiwaly innowasiýany we tehnologiki telekeçiligi ösdürmäge gönükdirilen Türkiýäniň Milli tehnologiki başlangyjyny goldamak boýunça esasy çäreleriň biridir. Festwal her ýylda bütin dünýäden ýüzlerçe startaplary ýygnaýar.
Festiwal we bäsleşik hakynda jikme-jik maglumat Teknofest saýtda elýeterdir.
ORIENT news
