Uly aýlag sebtinden Türkmenistan-Hytaý ilkinji göni howa ýük howa gatnawy açyldy
23-nji iýulda “Türkmenhowaýollarynyň” üsti akylly elektronika, egin-eşik we beýleki harytlar bilen doldurylan ýük uçary Şençžen-Baoan halkara howa menzilinden Türkmenistanyň paýtagty Aşgabat şäherine ugur aldy.
Bu gatnaw Beýik aýlag sebitinden (Great Bay Area/GBA - Hytaýyň günortasyndaky çalt ykdysady we innowasiýa ösüş zolagy) Türkmenistana ilkinji göni halkara ýük gatnawynyň resmi açylyşyny alamatlandyrdy – diýip, CGTN ýazýar.
Mundan başga-da, ol Şençžen şäherinden Merkezi Aziýa ýola goýlan ilkinji ugurdyr. Bu ýoluň açylmagy bilen Hytaý bilen Merkezi Aziýa ýurtlarynyň arasyndaky söwdanyň geljekki ösüş depgininiň artmagyna garaşylýar.
Ozal “Türkmenistan” awiakompaniýasy iýul aýynda iki täze ugra – Milana (Italiýa) we Hytaýyň Şençžen şäherine ýük howa gatnawlaryny ýola goýýandygyny habar beripdi. Uçuşlar hepdede bir gezek Airbus A330-200 P2F ýük uçary bilen amala aşyrylar.
ORIENT news
