Türkmen karatistlary Malaýziýada geçiriljek Aziýa çempionatynda çykyş eder

Iýul 17, 2023 | 20:05 |5266

Türkmenistanyň milli karate-do topary 18-23-nji iýulda Malaýziýanyň Melaka şäherinde geçiriljek 19-njy Aziýa çempionatynda çykyş eder. Erkekler toparyna Dawud Nazmyradow, Maksat Dologeldiýew, Didar Babaýew, Baýry Baýryýew, Süleýman Garlyýew, Arzuw Seýtgulýew girdi. Aýal-gyzlar kategoriýasynda Aýgül Esenowa, Ogulsuraý Täçdurdyýewa we Selbi Rozybaýewa Türkmenistana wekilçilik ederler.

Milli ýygyndy, baş tälimçi Aýdyn Çaryýewiň we kömekçisi Baýram Ýalkabowyň ýolbaşçylygynda çykyş eder. Mundan başga-da, türkmen wekiliýetine Röwşen Saryýewiň ýolbaşçylygyndaky birnäçe kazy wekilçilik eder.

ORIENT news