Slowak alymlary Magtymguly adyndaky TDU-niň talyplary üçin leksiýalaryň birnäçesini geçirdiler
Slowak tehnologiki uniwersitetiniň analitiki himiýa Institutynyň alym-himikleri Iwan Şpanik we Lýudmila Hwalbota Magtymguly adyndaky Türkmen döwlet uniwersitetiniň talyplary üçin leksiýalaryň tapgyryny geçirdiler. Ussat-sapaklary Erasmus+ ýewropa maksatnamasynyň çäklerinde geçdi.
Öz gezeginde, iň köne türkmen uniwersitetiniň türkmen mugallymlary STU-ne baryp gördüler, ol ýerde daşary ýurt kärdeşleriniň tejribesini öwrendiler. Ol ýerde «Gaz hramotografiýasy we onuň ulanylyşy» okuwynyň çäklerinde tehnikany ulanmagyň düzgünleri bilen tanyşdylar – diýip, «Neýtralnyý Türkmenistan» gazeti habar berýär.
Laboratoriýa şertlerinde degişli seljermäniň kömegi bilen peýdaly maddalaryň we zäherli garyndylaryň mukdaryna gözegçilik edilmegi iki ýurtdan bolan kärdeşleriň giň formatly kursunyň merkezi temasy boldy. Mundan başga-da, galp zatlary ýüze çykarmagyň we azyk önümçiliginde ýerine ýetirilýän talaplary bahalandyrmagyň meseleleri ara alnyp maslahatlaşyldy.
ÝB-niň maksatnamasynyň çäklerinde türkmen uniwersiteti beýleki ýokary okuw jaýlary we gurluş bölümçeleri, şol sanda bilim, audiowizual serişdeler we medeniýet boýunça Ýewropa komissiýasy (EACEA) bilen işjeň özara gatnaşyk edýär. Ähli kurslar we leksiýalar iňlis dilinde geçýär.
Şeýle hem TDU «Kenarýaka ekoulgamlary howanyň üýtgemegine uýgunlaşdyrmak üçin geogiňişlik inženerçiliginiň täze kurslary» (GEOCLIC) we «Howanyň üýtgemegine durnuklylygy ýokarlandyrmak we durnukly ösüşi, parahatçyygy we howpsuzlygy goldamak üçin Merkezi Aziýanyň suw sektorynyň adam mümkinçiliklerini ösdürmek» (HWCA) taslamasy bilen işjeň işleýär.
ORIENT habarlar
