Türkmenistan sentýabr aýynda “Foodex Saud” söwda sergisine gatnaşar
Türkmenistan iri halkara sergilerinde, şol sanda Ýaponiýada geçiriljek World Expo Osaka 2025 we oktýabr aýynda Katarda daşky gurşawy goramak, çölleşmegiň öňüni almak, suw tygşytlamak we abadanlaşdyryş tehnologiýalaryna bagyşlanyp geçiriljek Expo 2023 Doha ýaly sergilere gatnaşmaga taýýarlyk görýär.
Mundan başga-da, ýurdumyzda şu ýylyň sentýabr aýynda Saud Arabystanynyň Er- Riýad şäherinde geçiriljek “Foodex Saudi” X halkara söwda sergisine içerki önüm öndürijileriň gatnaşmagyny guramak boýunça işler alnyp barylýar. Bu barada wise-premýer Batyr Atdaew anna güni türkmen hökümetiniň mejlisinde habar berdi.
“Foodex Saudi” dünýädäki içgi we azyk senagaty üçin teklipleriň hödürlenýän esasy sergi we söwda meýdançasydyr. Ol miwe we gök önümler, et, guş we deňiz önümlerinden başlap, täze önümlere we taýýar önümleriň ähli görnüşlerine çenli ähli kategoriýalaryň azyk üpjün edijilerini kabul edýär.
ORIENT news
