Türkmen-özbek serhet zolagynda söwda merkezi gurlar
Daşoguz welaýatyndaky türkmen-özbek serhet zolagynda häzirki zaman söwda merkezi gurlar. Gurluşyk 2023-nji ýylyň iýul aýynda başlar we iki ýyldan, ýagny 2025-nji ýylda tamamlanar. Bu barada anna güni «Watan» habar ýaýlymynda habar aýdyldy.
Ozal, 2021-nji ýylyň 5-nji oktýabrynda Türkmenistan we Özbegistan häkimýetleriniň arasynda türkmen-özbek serhet söwda zolagyny we söwda merkezini döretmek barada şertnama gol çekildi. Taslamany durmuşa geçirmek üçin Türkmenistanyň Prezidenti degişli karara gol çekdi.
Resminama laýyklykda, Söwda we daşary ykdysady aragatnaşyklar ministrligine türkmen-özbek serhet zolagynda söwda merkezini taslamak we gurmak üçin alyjylar jemgyýetleri birleşigine degişli Merkezi dolandyryş edarasynyň abatlaýyş we gurluşyk bölümi bilen şertnama baglaşmak tabşyryldy. Taslama, şeýle hem, ýanaşyk ýerleri abadanlaşdyrmagy, aragatnaşyk, elektrik we suw üpjünçiligi üçin daşarky inženerlik ulgamlarynyň düşelmegini göz öňünde tutýar.
ORIENT news
