Türkmenistan, Gazagystan, Gyrgyzstan we Özbegistan bilelikde futbol ýaryşlaryny geçirmek isleýärler
Türkmenistanyň, Gazagystanyň, Gyrgyzstanyň we Özbegistanyň futbol birleşmeleriniň ýolbaşçylary halkara derejesindäki futbol ýaryşlaryny, şol sanda dürli ýaş derejelerindäki toparlaryň arasynda birinjiligi geçirmek mümkinçiligine seretdiler.
Duşuşyk Yssykkölde Gyrgyzstanda geçdi – diýip, Gyrgyz futbol birleşmesiniň (GFB) metbugat-gullugyna salgylanyp, «Кабар» MA-gi habar berýär. Oňa Türkmenistanyň futbol Federasiýasynyň başlygy Arslan Aýnazarow, GFB-niň baştutany Mederbek Sydykow, Gazagystanyň futbol Federasiýasynyň ýolbaşçysy Adlet Barmenkulow we Özbegistanyň futbol Birleşmesiniň birinji wise-prezidenti Rawşan Irmatow gatnaşdylar.
Taraplar hyzmatdaşlygy ösdürmek boýunça meýilnamalar, bilelikdäki taslamalaryň esasy aspektleri, şeýle hem infrastrukturany kämilleşdirmek üçin gelejekdäki işler, işgärler çeşmesini pugtalandyrmak we gerekli maliýeleşdirmäni üpjün etmek barada pikir alyşdylar.
Duşuşygyň netijeleri boýunça meýiller barada teswirnama gol çegilmegi ylalaşyldy, bu bolsa iş toparynyň döredilmegi üçin esas bolup hyzmat eder, onuň wezipesi Merkezi Aziýanyň türki dilli ýurtlarynda futbolyň ösüşiniň barşyny kämilleşdirmegiň üstünde işlemek bolar.
«Duşuşygyň barşynda birleşmeleriň ähli ýolbaşçylary hyzmatdaşlygy täze derejä çykarmak üçin isleg we taýýarlyk bildirdiler» – diýip, GFВ-de duşuşygyň jemleri barada belliklerini aýtdylar.
ORIENT habarlar
