TDHÇB-daky söwdalaşyklar: karbamid we A-92 kysymly benzin eksport edildi
Iýul 21, 2023 | 15:47 |7877
А-92 kysymly awtoulag benzini (her tonnasynyň bahasy-$731,75) we «B» kysymly karbamid (her tonnasynyň bahasy - $248) Türkmenistanyň Döwlet haryt-çig mal biržasyndaky söwdalaşyklarda penşenbe güni, 20-nji iýulda söwdalaşyklaryň özeni boldy – diýip, ORIENT-iň habarçysy habar berýär.
Owganystanyň işewür toparlarynyň wekilleri «Türkmennebit» Döwlet konserni bilen benziniň 1,3 müň tonnasyny $951,2 müňe satyn almak barada geleşik baglaşdylar.
Owganystandan gelen başga bir kompaniýa «Türkmenhimiýa» Döwlet konserninden karbamidiň 500 tonnasyny $124 müňe satyn aldy.
Jemi söwdalaşyklaryň barşynda bahasy $1 mln-dan gowrak 3 geleşik baglaşyldy.
ORIENT habarlar
