Iň ýokary tizlikli mobil interneti haýsy ýurtda gurnalan?!

Iýul 21, 2023 | 14:58 |8610

Birleşen Arap Emirlikleriniň öýjükli aragatnaşyk interneti dünýäde iň ýokary tizlikli diýlip yglan edildi. Bu barada “Ookla” neşiri Ýer ýüzi boýunça geçiren seljermelerini göz öňünde tutup habar berýär.

Iýun aýynda öýjükli aragatnaşyk arkaly internetden göçürip almagyň tizligi sekuntda 204,24 megabite, internete ýüklemegiň sekuntdaky tizligi bolsa 22,72 megabite deň bolupdyr. BAE bu boýunça görkezijini ýylyň başyndan bäri, aprel aýyny goşmazdan birinjiligini saklap gelýär.

Iýun aýynda giň ýygylykly fiksirlenen internetiň tizligi bilen BAE diňe Singapurdan yza galdy. Şonda ýurtda internetiň göçürip alma tizligi sekuntda 239,2 megabite deň bolupdy.

ORIENT news