Biržada 53 million dollara barabar 18 geleşik baglaşyldy
19-njy iýulda Türkmenistanyň Döwlet haryt-çig mal biržasynda nebit önümlerini satyn almak barada uly söwda geleşikleri baglaşyldy. Has takygy, umumy bahasy 53 million amerikan dollaryna barabar 18 geleşik baglaşyldy.
Birleşen Arap Emirliklerinden we Owganystandan gelen işewürler “Türkmennebit” döwlet konserniniň kärhanalarynda öndürilen awtobenziniň 12,3 müň tonnasyny 8,6 million dollara satyn aldy. Maltadan, Wirgin adalaryndan we BAE-den gelen işewür toparlary “Türkmennebit” döwlet konserniniň kärhanalarynda öndürilen mazudyň 100 müň tonnasyny satyn almaga geleşik baglaşdylar.
BAE-den we Owganystandan gelen işewürler “Türkmenhimiýa” döwlet konserniň kärhanalarynda öndürilen 16 müň tonnalyk karbamidi 3,9 million dollara satyn aldylar.
Çarşenbe günündäki söwdalarda satyn alnan A-92 görnüşli awtobenziniň 1 tonnasy 707,25 dollar, mazudyň 1 tonnasy 403,50 dollar, “B” markaly karbamidiň 1 tonnasy 248 dollar möçberde bahalandyryldy.
ORIENT news
