China daily: Hytaý aragatnaşyk operatorlary HHR-ny 6G-niň ösüş merkezi etmek isleýärler
Hytaýyň aragatnaşyk operatorlary HHR-ny indiki nesliň simsiz tehnologiýasy 6G-niň ösüş merkezi etmek isleýärler – diýip, China daily habar berýär.
Hytaýyň telekommunikasion kompaniýasy China Unicom-yň başlygy Lýu Lihong eýýäm 2030-njy ýylda Hytaýda 6G aragatnaşygyna täjirçilik badalgasy berilip başlanjakdygyny aýtdy.
Häzir China Unicom 6G üçin esasy tehnologiýalaryň öwrenilmegi bilen meşgullanýar. 2025-nji ýyla çenli kompaniýa tehniki barlaglary tamamlamaga we bu tehnologiýany ulanmagyň irki ssenarilerini öwrenmäge garaşýar.
Aragatnaşygyň golaýda tassyklanan 6G ölçegi indi ony ulanmagyň alty sany esasy ugurlaryny öz içine alýar. Onuň fiziki we wirtual dünýäleriň integrasiýasyny üpjün etmegi onuň aýratynlygydyr.
Indiki nesliň mobil aragatnaşyk tehnologiýasy hökmünde, 6G öňdebaryjy hasaplamalar, uly maglumatlar, emeli intellekt we blokçeýn bilen integrirlener.
ORIENT habarlar
