Türkmenistanyň Prezidenti Saud Arabystana geldi
Türkmenistanyň Prezidenti Serdar Berdimuhamedow Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammitine gatnaşmak üçin Saud Arabystanyň Jidda şäherine geldi.
Döwlet Baştutanymyzy Patyşa Abdulaziz adyndaky Halkara howa menzilinde şazada Badr bin Sultan bin Abdulaziz, Mekgäniň häkiminiň orunbasary Al- Mukarram, Jidda welaýatynyň sekretary Saleh bin Ali Al-Turki we beýleki resmiler garşy aldy.
Çarşenbe güni Jiddada Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň – Türkmenistanyň, Özbegistanyň, Täjigistanyň, Gyrgyzystanyň we Gazagystanyň Baştutanlarynyň taryhda ilkinji sammiti geçer. Sammitde iki tarapyň arasynda dürli ugurlarda hyzmatdaşlygy we utgaşdyrmagy güýçlendirmegiň ýollary ara alnyp maslahatlaşylar.
ORIENT news
