Türkmenistanyň Halk Maslahatynyň Ýaşulular geňeşi döredildi

Iýul 18, 2023 | 23:37 |8801

Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Halk Maslahatynyň Ýaşulular geňeşini döretmek hakynda Halk Maslahatynyň Prezidiumynyň kararyna gol çekdi.

Resminama, ýaşululary döwletimiziň jemgyýetçilik durmuşyna işjeň çekmek, halkymyzyň jebisligini pugtalandyrmakda we döwlet ähmiýetli meseleleri parasatlylyk bilen maslahatlaşyp çözmekde olaryň baý zähmet hem-de durmuş tejribesini peýdalanmaga gönükdirilendir.

Bu karar sişenbe güni, 18-nji iýulda geçirilen Türkmenistanyň Halk Maslahatynyň Prezidiumynyň mejlisinde kabul edildi. Milli tele we radio ýaýlymlarynyň agşamky habarlarynda yglan edilen bu resminama, Halk Maslahatynyň Ýaşulular geňeşiniň Düzgünnamasyny we düzümini hem tassyklaýar.

ORIENT news