Türkmenistan bedenterbiýe we sport meseleleri boýunça bilermenler toparynyň mejlisine gatnaşdy
Garaşsyz döwletler arkalaşygynyň agza döwletleriniň bedenterbiýe we sport pudagyndaky hyzmatdaşlygy ösdürmegiň strategiýasy 19-njy iýulda GDA-nyň baş edarasynda ara alnyp maslahatlaşyldy.
Onlaýn görnüşde geçirilen bilermenler toparynyň mejlisine Azerbaýjanyň, Ermenistanyň, Belarusiýanyň, Gazagystanyň, Gyrgyzystanyň, Russiýanyň, Täjigistanyň, Türkmenistanyň, Özbegistanyň we Arkalaşygyň Ýerine ýetiriji komitetiniň wekilleri gatnaşdy.
Hünärmenler 2024–2026-njy ýyllar üçin bu ugurdaky Hereket meýilnamasynyň taslamasyny işläp taýýarladylar we ylalaşdylar. Strategiýa, milli sport guramalarynyň arasyndaky hyzmatdaşlygy çuňlaşdyrmaga we giňeltmäge, döwletara hyzmatdaşlygy pugtalandyrmaga gönükdirilen Arkalaşygyň ýurtlarynyň bedenterbiýe we sport pudagynda hyzmatdaşlygyň maksatlaryny, wezipelerini, ýörelgelerini, ugurlaryny we görnüşlerini kesgitleýär.
Bu maksatnama, bedenterbiýe hereketiniň ösüşi we ýokary sport üstünlikleri, höwesjeň we hünär sporty, çagalar we ýaşlar, mekdep we talyp sporty, milli sport, uýgunlaşma bedenterbiýesi, olimpik, paralimpik, deflimpiýsk (surdlimpiýsk) we ýörite olimpik hereketi bilen baglanyşykly bedenterniýe we sport pudagynyň aýratynlyklaryny görkezýär.
Taslama, şeýle hem, sport infrastrukturasynyň desgalaryny emele getirmegiň we işlemegiň, sport we köpçülikleýin sport çärelerini geçirmek, bedenterbiýe we sport pudagynda işgärleri taýýarlamak, gaýtadan taýýarlamak we hünär taýýarlygy, sport harytlaryny we hyzmatlaryny öndürijiler we üpjün edijiler bilen özara gatnaşyklary öz içine alýar.
Mejlisde meýilnamany GDA-nyň Daşary işler ministrleri geňeşiniň garamagyna bellenilen tertibe laýyklykda tabşyrmak kararyna gelindi.
ORIENT news
