Türkmen ilçisi Çehiýanyň prezidentine ynanç hatyny gowşurdy
Türkmenistanyň Çehiýadaky ilçisi (rezidensiýasy Wenada) Hemra Amannazarow Çehiýanyň prezidenti Pýotr Pawla ynanç hatyny gowşurdy – diýip, Türkmenistanyň DIM-niň saýty habar berýär.
Dabaranyň çäklerinde taraplar türkmen-çeh hyzmatdaşlygynyň dürli ugurlaryna degişli pikir alyşdylar.
Çehiýanyň prezidenti Türkmenistanyň baştutany Serdar Berdimuhamedowa mähirli salamyny aýtdy we ýurtlaryň arasyndaky gatnaşyklaryň mundan beýläk-de pugtalanjakdygyna ynam bildirdi.
Taraplar şeýle hem hyzmatdaşlygyň täze ugurlaryny ara alyp maslahatlaşmak üçin ýakyn wagtda iki döwletiň daşary işler ministrlikleriniň arasynda syýasy maslahatlaryň gurnalmak mümkinçiligine seretdiler.
Ozal Türkmenistanyň we Çehiýanyň söwda-ykdysady pudagynyň wekilleriniň gepleşikleriniň barşynda wodorod energetikasy babatynda ikitaraplaýyn özara gatnaygy ösdürmäge gyzyklanma bildirilipdi.
Türkmenistan bilen Çehiýa Respublikasynyň arasyndaky arasyndaky diplomatiki gatnaşyklar 1993-nji ýylyň 31-nji ýanwarynda ýola goýlupdy.
ORIENT habarlar
