“Gorkut Ata” halkara medeniýet we sungat festiwaly geçirilýär
Türkiýäniň Beýburt şäherinde XXVII “Gorkut Ata” halkara medeniýet we sungat festiwaly geçirilýär. Oňa Türkiýäniň we Merkezi Aziýa döwletleriniň döredijilik we sungat işgärleri, köpçülikleýin habar beriş serişdeleriniň wekilleri gatnaşýarlar.
23-nji iýula çenli dowam etjek festiwalyň çäklerinde sergiler, konsertler, türki halklaryň tagamlarynyň, milli oýunlarynyň görkezilişleri, ylmy maslahatlar hem-de şygryýet agşamy guralar. Däp boýunça, festiwala gatnaşyjylar Maşat obasyndaky Gorkut Atanyň mawzoleýine aýlanýarlar.
Bu festiwal 1994-nji ýyldan bäri geçirilip gelinýär. Rowaýata görä, Beýburt şäherinde Gorkut Atanyň mawzoleýi ýerleşýär. 2018-nji ýylda Gorkut Atanyň edebi mirasy ÝUNESKO-nyň maddy däl medeni mirasynyň sanawyna girizildi.
ORIENT news
