Wiktor Soýyň portreti ýadygarlik üç rubl teňňede
Russiýa Banky, «Kino» toparynyň lideri Wiktor Soýyň portreti bilen üç rubl kümüş teňňäni çykardy. Aýdymçy «öz döwrüniň kumiri» diýlip atlandyrylyp, onuň aýdymlary «üýtgedip gurmak döwrüniň nyşanyna öwrüldi» diýip, Russiýa Federasiýasynyň Merkezi Bankynyň habaryna salgylanyp RBC ýazýar.
Teňňedäki Wiktor Soý elinde mikrofon bilen «simwoliki alawly gitara» fonunda şekillendirilýär. Janköýerleriň «Soý ýaşaýar!» tassygyna garamazdan, teňňede aýdymçynyň awtoulag heläkçiliginde ölen ýyly- 1990 hem görkezilýär.
925 probaly erginden teňňede 31,1 gram kümüş bolup, ondan 5000 sanysy çykaryldt. Ol üç rubl gymmatynda bolup, Russiýa Federasiýasynyň çäginde nagt tölegiň kanuny serişdesi bolup durýar we tölegleriň ähli görnüşlerinde hiç hili çäklendirmesiz hökmany kabul edilmelidir diýip, Merkezi bankyň metbugat beýanatynda bellenýär.
ORIENT news
