2027-nji ýyla çenli dünýädäki ähli smartfonlar ýene-de aýrylýan akkumulýatorly bolar
Ýewropa Birleşiginiň täze kanuny smartfonlary öndürijileri 2027-nji ýyla çenli ýewropa bazary üçin diňe akkumulýatorlary aýrylýan gurluşlary öndürmäge borçlandyrdy.
Beýe diýildigi, ähli iri kompaniýalara, şol sanda Apple we Samsung-a smartfonlayň indiki neslini akkumulýatorlary aýrylýan görnüşde döretmeli boljakdygyny aňladýar, sebäbi dürli bazarlar üçi şol bir gurluşyň gaty üýtgeşik konfigurasiýalaryny öndürmek bähbitsiz bolar.
Kanun gurluşlaryň abatlamak üçin has ýararly bolar ýaly we ulanyjylaryň ýörite başarnyklara eýe bomazdan batareýalary özbaşdak çalyşyp bilerleri ýaly edilip kabul edildi. ÝB-de munuň ykjam gurluşlaryň hyzmat ediş möhletiniň uzalmagyna we elektron zyňyndylaryň mukdarynyň kemelmegine getirjekdigine umyt edýärler.
Ähtimal, täze düzgünler smartfonlaryň gelejekde has galyň bolmagyna getirip biler, sebäbi öndürijiler akkumulýatorlary aýrylmaýan gurluşlaryň döredilmegini olaryň şol sebäpli inçe bolýandyklary bilen delillendirýärdiler.
Köp öndürijileriň, aýratynam Apple-iň täze kanundan hoşal bolmajakdygyna garaşylýar. Kompaniýa smartfonlarda birleşdirijiler üçin ýeke-täk ölçegiň —geçen ýylda ÝB tarapyndan tassyklanan USB-C-niň girizilmegi üçin uzak wagtlap garşylyk görkezdi. Olar ähli güýçleri bilen özleriniň ajaýyp birleşduirijisi Lightning-i saklap galmaga synanyşdylar, ýöne üstünlige eýe bolup bilmedi.
ORIENT habarlar
