Oba hojalygy we daşky gurşawyň goragy bilen aýry-aýry pudak edaralary meşgullanar
Ýurdumyzyň oba hojalygyny we daşky gurşawy goramagy düýpli özgertmek maksady bilen, Türkmenistanyň Oba hojalyk we daşky gurşawy goramak ministrligi ikä bölüner, onuň binýadynda Türkmenistanyň Oba hojalyk ministrligi hem-de Türkmenistanyň Daşky gurşawy goramak ministrligi dörediler. Degişli resminama Prezident Serdar Berdimuhamedow hökümetiň anna güni geçirilen giňişleýin mejlisinde gol çekdi.
Şunuň bilen baglylykda, şu wagta çenli Daşoguz welaýatynyň häkimi wezipesini ýerine ýetiren Nazarmyrat Nazarmyradow Türkmenistanyň Oba hojalyk ministri wezipesine bellendi.
Türkmenistanyň Daşky gurşawy goramak ministri wezipesine şu güne çenli Mejlisiň daşky gurşawy goramak, tebigaty dolandyrmak we agrosenagat toplumy komitetiniň başlygy wezipesini ýerine ýetiren Çarygeldi Babanyýazow bellendi.
ORIENT news
