Türkmen işewürleri Hindistanda geçiriljek halkara lukmançylyk sergisine gatnaşmaga çagyrylýar
Iýul 14, 2023 | 11:51 |5189
Türkmenistanly işewürler Hindistanda geçiriljek “India Medtech Expo 2023” halkara sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi habar berýär.
Halkara sergi 17 – 19-njy awgustda ýurduň Gandinagar şäherinde geçiriler. 15 ýyldan bäri her ýyl geçirilýän sergide lukmançylyk pudagynda iň soňky gazanylanlar tanyşdyrylýar. Ol dünýäniň lukmançylyk boýunça öňdebaryjy kompaniýalaryny we bu pudakdaky Hökümet ýolbaşçylaryny bir ýere jemleýär.
Halkara sergä gatnaşmaga gyzyklanma bildirýän taraplar praveen.mittal@ficci.com salgysy arkaly guraýjylar bilen habarlaşyp biler.
ORIENT news
