Türkmenistan ykdysady, sosial we medeni hukuklar baradaky Halkara paktynyň ýerine ýetirilmegi boýunça üçünji doklady taýýarlaýar
Türkmenistan ykdysady, sosial we medeni hukuklar baradaky Halkara paktynyň ýerine ýetirilmegi boýunça üçünji doklady taýýarlaýar.
Resminamanyň taslamasynyň taýýarlanmagy Türkmenistanyň adam hukuklary we halkara ynsanperwerlik hukugy baatyndaky halkara borçnamalaryny ýerine ýetirmek boýunça Pudagara toparynyň Iş toparynyň agzalary tarapyndan ara alnyp maslahatlaşyldy. Ara alyp maslahatlaşmalara şeýle hem halkara bilermen Tomas Baranowas hem gatnaşdy.
Duşuşyk Türkmenistanyň döwlet, hukuk we demokratiýa instituty bilen bilelikde ýerine ýetirilýän «Türkmenistanyň adam hukuklary babatynda 2021-2025-nji ýyllar üçin hereketleriň Milli meýilnamasynyň ýerine ýetirilmegine goldaw bermek» taslamasynyň çäklerinde gurnaly.
Bilermen jemgyýetçilik guramalarynyň bu dokladyň işlenip düzüliş prosessine işjeň gatnaşmaklaryny üpjün etmek üçin olaryň wekilleri bilen aýratyn duşuşyk geçirdi.
1966-njy ýylda kabul edilen ykdysady, sosial we medeni hukuklar baradaky Halkara pakt adam hukuklary baradaky Ähliumumy jarnama we raýat we syýasy hukuklar baradaky Halkara pakty (1966 ý.) bilen bilelikde, adam hukuklary hakyndaky Halkara kanunyny emele getirýär.
Pakt 1976-njy ýylda güýje girdi.
ORIENT habarlar
