Türkmen hünärmenleri kazyýet seljermesi ulgamynda Gruziýanyň tejribesi bilen tanyşdylar
Türkmenistanyň wekiliýeti Merkezi Aziýa ýurtlarynyň beýleki wekilleri bilen bir hatarda Gruziýanyň kazyýet edaralarynyň işjeňligi bilen tanyşdylar.
Merkezi Aziýadan gelen myhmanlar Gruziýanyň kazyýet seljermesiniň milli býurosynyň Kutaisidäki kazyýet seljermesiniň sebit bölümine, içeri işler Ministrliginiň kazyýet-kriminalistika bölüminiň Batumidäki kriminalistika gullugyna baryp gördüler. Bu edaralar ýurduň onuň ähli sebitlerinde kazyýet-seljerme hyzmatlaryna elýeterligi we onuň netijeliligini üpjün etmäge çalyşlýandygyny nygtap, Gruziýadaky kazyýet-bilermen gulluklarynyň merkezden daşlaşdyrylandygyny görkezýär.
Gatnaşyjylar şeýle hem kazyýet lukmançylygynyň we inžener-kriminalistika seljermesiniň bölümleriniň işjeňligi bilen tanyşdylar.
Okuw sapary Ýewropa Birleşigi tarapyndan maliýeleşdirilýän Merkezi Aziýada Hukuk düzgünini üpjün etmek taslamasynyň (LEICA) çäklerinde gurnaldy. Ol Merkezi Aziýanyň we Gruziýanyň kriminalistika jemgyýetleriniň arasynda sebitleýin hyzmatdaşlygyny we okuwy ösdürmek üçin platformany üpjün etdi.
LEICA taslamasynyň maksady —hem milli derejede, hem sebitleýin derejede howpsuzlygy ýokarlandyrmak üçin Merkezi Aziýadaky hukuk goraýjy edaralaryň mümkinçiligini artdyrmakdyr.
ORIENT habarlar
