Türkmenistanyň Daşary işler ministrliginde ÝHHG-nyň metbugat azatlygy wekili bilen duşuşyk geçirildi
Duşenbe güni Türkmenistanyň Daşary işler ministriniň orunbasary Wepa Hajyýew ÝHHG-nyň metbugat azatlygy boýunça wekili Tereza Ribeýro bilen gepleşik geçirdi.
Türkmen Daşary işler ministrliginiň metbugat gullugynyň habaryna görä, taraplar hyzmatdaşlygyň häzirki gün tertibi barada pikir alyşdylar we ÝHHG-nyň üçünji ölçeginde, şol sanda metbugat keazatlygy boýunça wekiliň mandatyny ara alyp maslahatlaşdylar.
Türkmen diplomaty soňky ýyllarda bu ugurdaky hyzmatdaşlygyň täze derejä çykandygyny we ulgamlaýyn häsiýete eýe bolandygyny belledi. Duşuşyga gatnaşyjylar Türkmenistan bilen wekiliň edarasynyň arasyndaky konstruktiw hyzmatdaşlygy dowam etdirmek ugrundaky bilelikdäki çärelere ýokary baha berdiler.
Aşgabatdaky ÝHHG-nyň merkezi bilen bilelikde žurnalistleriň we jemgyýetçilik gatnaşyklary hünärmenleriniň hünär endiklerini, metbugatyň sanly üýtgemegi işine we ş.m. ýokarlandyrmak üçin dürli çäreleriň yzygiderli geçirilýändigi bellenildi.
Taraplar Türkmenistanda milli we sebit derejesinde bilelikde metbugat çärelerini geçirmäge taýýardyklaryny mälim etdiler.
ORIENT news
