Hindistan Ýewropa Bileleşigine we Singapura ýaşyl wodorod ugratmak barada gepleşikleri geçirýär
Hindistan ekologiýa taýdan arassa energiýa taslamalaryna maýa goýjak Ýewropa Bileleşigine we Singapura ýylda 11 million metrotonna ýaşyl wodorod ibermek mümkinçiligini ara alyp maslahatlaşdy.
Nýu-Deli ýurtlara gaýtadan dikeldilýän energiýa çeşmelerinden peýdalanmak arkaly öndürilýän ýaşyl wodorodyň önümçiligi bilen bagly uglerod karzlaryny ulanmaga mümkinçilik berýän ikitaraplaýyn şertnamalara garar – diýip, Reuters agentligi habar berdi.
Hindistan we ÝB ýylda 10 million metrotonna ýaşyl wodorod baradaky şertnamalary öwrendiler, resminamalara laýyklykda taraplar Hindistanda durmuşa geçirilmegi meýilleşdirilýän taslamalara maýa goýup bilerler. Singapur ikitaraplaýyn ylalaşyklar boýunça ýylda 5 million metrik tonna ýaşyl ammiak almagy göz öňünde tutýar, bu bolsa ýylda 1-1,5 million metrotonna ýaşyl wodorod bilen deňdir. Ýaşyl ammiak ýaşyl wodorodyň önümidir.
Çarşenbe güni Hindistan hökümetiniň geçiren duşuşyklaryna gaýtadan dikeldilýän energiýa çeşmeleri ulgamynda işleýän, şol sanda Avaada Group, Renew Power и ACME Group kompaniýalarynyň wekilleri hem gatnaşdy.
"ÝB we Singapur bilen baglaşylan ikitaraplaýyn ylalaşyklar hindistanly ýaşyl wodorod öndürijiler üçin örän ähmiýetlidir" – diýip, Avaada Group kompaniýasynyň başlygy Winit Mittal aýtdy.
Dünýä ýurtlary gazylyp alynýan ýangyçdan ýüz öwürmek we global ýylylyk meselesini oňyn çözmek üçin wodorody saýlaýarlar.
Geçen ýyl Hindistan ýaşyl wodorodyň esasy eksportçysy bolmak islegini amala aşyrmak maksady bilen 2,13 milliard dollarlyk höweslendiriş meýilnamasyny we 2030-njy ýyla çenli 5 million tonna ýaşyl wodorod öndürmek maksadyny tassyklady.
ORIENT news
