“Türkmenistan” banky ýyllyk 11 göterimli bank goýumyny hödürleýär
Iýul 04, 2023 | 14:13 |9047
«Türkmenistan» döwlet täjirçilik banky Arkadag şäheriniň açylyp ulanylmaga berilmegi mynasybetli ýurdumyzyň raýatlaryna erkin pul serişdelerini amatly şertlerde ýerleşdirmek üçin «Arkadag şäheri — halkyň buýsanjy» atly täze möhletli goýumyny hödürleýär. Bu barada “Türkmenistan” gazeti habar berýär.
Bu möhletli goýum ýyllyk 11% bilen 1 (bir) ýyl möhlete açylýar. Goýumyň iň az möçberi 500 (bäş ýüz) manat bolup, aňryçäk möçberi çäklendirilmedik. Goýuma pul serişdeleri nagt ýa-da aýlyk zähmet haky, pensiýa we döwlet kömek pul tölegleri geçirilýän «Altyn asyr» bank kartynyň üsti bilen nagt däl görnüşinde kabul edilip bilner. Goýumyň üstüni dolmak mümkinçiligi hem döredilen. Täze goýum şu ýylyň 31-nji awgustyna çenli kabul edilýär.
ORIENT news
