Hytaý 6G aragatnaşygy özleşdirýär
Hytaýyň aragatnaşyk operatorlary mobil aragatnaşygyň indiki nesli bolan 6G aragatnaşyk ulgamyny işjeň ornaşdyrýar. Bu barada “China daily” habarlar agentligi mälim edýär.
Şunuň bilen bagly Hytaýyň Şanhaý şäherinde geçirilen Bütindünýä mobil aragatnaşygy kongresinde 6G aragatnaşygy boýunça halkara hyzmatdaşlygyny ilerletmäge gönükdirilen flagman platformasy tanyşdyryldy. Ol 6G tehnologiýalaryny işläp taýýarlamalary işjeňleşdirmegi göz öňünde tutýar.
6G aragatnaşygynda uly göwrümli maglumatlara, emeli itellekte we blokçeýne uýgunlaşdyrylar. Şeýlelikde, fiziki we wirtual dünýäleri özara utgaşdyrýan 6G ulgamynyň söwdasy 2030-njy ýyla çenli amala aşyrylar.
Şeýle hem, Hytaýyň aragatnaşyk operatorlary, tehnologiýalary öndürijileri we ylmy-barlag institutlary tarapyndan “6G ulgamyna zerurlyklar we ony taslamak boýunça teklipler” ady bilen resminama işlenilip taýýarlanyldy. Onda täze nesilli aragatnaşyk ulgamynyň sanly mümkinçiliklerine aralaşmak üçin zerur bolan talaplar beýan edilýär.
ORIENT news
