Türkmenbaşy bilen Mahaçkalanyň arasynda ilkinji ýük gämisiniň gatnawy 2023-nji ýylyň ahyryna çenli ýola goýlar
Türkmenbaşy bilen Mahaçkalanyň arasynda konteýner ýükleri daşamak üçin 2023- nji ýylyň ahyryna çenli ilkinji ýük gämisiniň yzygider gatnawynyň ýola goýulmagy meýilleşdirilýär. Bu barada TASS-a penşenbe güni Russiýa Federasiýasynyň Türkmenistandaky söwda wekili Aleksandr Ýelizarow Mahaçkalada Dagystanyň döwlet häkimiýetleri bilen geçirilen duşuşykdan soň habar berdi.
“Häzir ilkinji konteýner gämisini Türkmenbaşy-Mahaçkala ugry boýunça diňe ýeke-täk däl-de, yzygiderli gatnaw hökmünde ýola goýmak mümkinçiligine garalýar <…>. Biz telekeçileriň öňünde şu ýylyň ahyryna çenli gämini ýola salmak meselesini goýduk" – diýip, Ýelizarow aýtdy.
Onuň sözlerine görä, Türkmenbaşy we Mahaçkala portlarynyň arasynda parom hyzmatlary soňky gezek 2011-2012-nji ýyllarda bolupdy.
Söwda wekili sebite sapary wagtynda Dagystan hökümetiniň başlygy Abdulmuslim Abdulmuslimow bilen duşuşdy we 2022-nji ýylda Dagystan Respublikasy bilen Türkmenistanyň arasyndaky söwda dolanyşygynyň 2021-nji ýyl bilen deňeşdirilende 5%, importyň bolsa 80%-e ýetendigini aýtdy.
ORIENT news
