Ilkinji konteýner otlusy Günorta Uraldan Türkmenistanyň üsti bilen Saud Arabystanyna iberildi
Saud Arabystanyna ilkinji konteýner otly, Günorta Ural demir ýolunyň (GUDÝ) Çelýabinsk-Gruzowoý bekedinden ugrady. Otly Gazagystanyň, Türkmenistanyň, Eýranyň üsti bilen Demirgazyk - Günorta halkara ulag geçelgesinden barýar diýip, Günorta Ural demir ýolunyň metbugat gullugy habar berýär.
«Hyzmat operatory bolup «RZD Logistika» çykyş edýär. Ilkinji otlynyň 42 konteýnerinde elektrik enjamlary we reňkli metallar eksporta iberildi. Otly çalt eltip bermek ugur boýunça ýük daşamak üçin işlenip düzülen meýilnamanyň ýöriteleşdirilen ugrynda hereket edýär»,-diýip habarda aýdylýar.
Metbugat gullugy, iki aý ozal Demirgazyk-Günorta halkara ulag geçelgesiniň üsti bilen GUDÝ-ly bilen Hindistana konteýner otlusynyň iberilendigini mälim etdi. Şu ýylyň üçünji çärýeginden bolsa, Çelýabinsk sebitinden her aý Demirgazyk-Günorta geçelgesine iki sany konteýner otly ibermek meýilleşdirilýär.
ORIENT news
