Türkmen talyplary Russiýanyň "Tomusky uniwersitet - 2023" taslamasyna gatnaşyp bilerler
"Tomus uniwersiteti - 2023" federal taslamasy şu ýylyň iýul aýynda 25 ýurtdan 1200 talyby iki hepdelik mugt maksatnama kabul etmegi meýilleşdirýär. Oňa Russiýanyň we goňşy ýurtlar bolan Ermenistanyň, Azerbaýjanyň, Belarusyň, Gruziýanyň, Gazagystanyň, Gyrgyzystanyň, Türkmenistanyň, Täjigistanyň, Özbegistanyň, şeýle hem Alžiriň, Müsüriň, Kubanyň, Siriýanyň, Türkiýäniň, Braziliýanyň, Wýetnamyň, Hindistanyň, Kolumbiýanyň, Serbiýanyň, Bangladeşiň, Iordaniýanyň, Hytaýyň, Mongoliýanyň we Ekwadoryň talyplary gatnaşarlar.
Anna güni Russiýa Federasiýasynyň Ylym we ýokary bilim ministrliginiň “Sosiosentr” Federal döwlet awtonom ylmy edarasynyň metbugat gullugynda habar berlişi ýaly, taslama Kazan, Ural we Sibir Federal uniwersitetleri gatnaşýarlar. Her uniwersitet azyndan 300 daşary ýurtly we 100-e golaý russiýaly talyby maksatnama boýunça kabul etmäge taýyn.
Tomusky uniwersitet daşary ýurtly talyplary Russiýa Federasiýasynyň derwaýys ylmy we bilim meýilnamasy bilen tanyşdyrar we halkara talyp jemgyýetleriniň döremegine we ösmegine ýardam eder. Bilim maksatnamasy aşakdaky ugurlarda geçiriler: tebigy ylymlar, inženerçilik, durmuş-ykdysady we ynsanperwer ylymlary. Maksatnama gatnaşýanlaryň arasynda özara medeni alyş-çalyş maksatly goşmaça maksatnama gezelençleri, gözlegleri, festiwallary we başga çäreleri öz içine alýar.
Sapaklar 10-23-nji iýul aralygynda geçiriler. Gatnaşmak mugt. Gyzyklanýanlar taslamanyň saýty arkaly ýüz tutup bilerler.
ORIENT news
