Türkmen okuwçylary fransuz dilinde geçirilen Olimpiadanyň ýeňijisi boldular
Türkmen okuwçylary jemleýji tapgyry Aşgabatda geçirilen fransuz dili olimpiadasynda ýeňiji boldy. Ýeňijiler we baýrak alanlar Türkmenistanyň Daşary işler ministrliginiň Halkara gatnaşyklar institutynda sylaglandy.
Dil bäsleşiginiň ýeňijileri 460 gatnaşyjynyň arasynda iň gowusy bolmak üçin bäsleşen 15 mekdep okuwçysy boldy. Welaýat mekdepleriň okuwçylarynyň hem şu ýyl bäsleşige gatnaşandyklary bellärliklidir. Welaýat Gran-pri baýragy Daşoguzyň mekdebiniň okuwçysy Serwi Baýrmalyýewa berildi. Türkmenabatdan, Kerkiden, Marydan we Daşoguzdan ýene dört mekdep okuwçysy – Bahar Atajanowa, Şeker Şöhradowa, Aganyýaz Mergenow we Gülsenem Nagimowa birinji orny eýelediler.
Şeýle hem, ýeňijileriň diplomlaryny paýtagtyň mekdepleriniň okuwçylary-da aldylar. 3-nji synpdan 7-nji synpa çenli ilkinji üç ýer Melisa Tribunskaýa (27-nji mekdep), Amalýa Arutýunowa (27-nji mekdep) we Süleýman Guwançow (7-nji mekdep) arasynda paýlandy. Ýokary synp okuwçylarynyň arasynda Ramilýa Gasanowa (27-nji mekdep) birinji orunda, Lidiýa Bagdasarowa (27-nji mekdep) ikinji, Aýnur Amandurdyýewa (7-nji mekdep) üçünji ornda ýerleşdiler.
Ýene dört gatnaşyjy – Fransuz institutynyň we MLF-Bouygues fransuz mekdebiniň okuwçylary Milana Serdýukowa, Aýnur Kulowa, Serafin Haýe we Ýewangelin Reçow hem bäsleşigiň ýeňijisi boldylar.
Çagalar Bouygues Turkmen, TotalEnergie we VINCI Construction ýaly fransuz kompaniýalaryndan noutbuk aldylar. Ýeňijiler gymmatbahaly sowgatlar bilen sylaglandylar. Olar taslamanyň hemaýatkärleri – Ermenistanyň, Rumyniýanyň, Ukrainanyň, Belgiýanyň, Şweýsariýanyň we Kanadanyň ilçihanalary, şeýle hem Tissot, Eurocosmetics, Bossan Concept, Alliance-Boutique de Paris kompaniýalary, kafe La Tartine we Dessange gözellik salony tarapyndan üpjün edildi.
Dil bäsleşigi Türkmenistanda eýýäm üçünji ýyl geçirilýär. Däp bolşy ýaly, ýurdumyzyň Bilim ministrligi we Fransiýanyň ilçihanasyndaky ýokary okuw mekdebi guramaçylar hökmünde çykyş etdiler.
ORIENT news
