Gazagystan Russiýadan Özbegistana gazyň üstaşyr geçirilmegini üpjün etmäge taýýar
Iýun 06, 2023 | 16:37 |8013
Gazagystan Russiýadan Özbegistana gazy üstaşyr geçirmek üçin zerur bolan infrastrukturany üpjün etmäge taýýar. Bu barada ýurduň energetika ministri Almasadam Satkaliýew Gazagystanyň parlamentiniň gaz pudagynyň ýagdaýy baradaky mejlisinde aýtdy.
«Eýýäm indiki ýylyň güýz-gyş möwsüminde bu infrastruktura taýýar bolar» – diýip, edaranyň baştutany aýtdy, häzirki günde Özbegistan bilen «Gazpromyň» arasynda gazyň möçberi we gazyň bahasy boýunça gepleşikleriň dowam edýändigini sözüniň üstüne goşdy.
Gazagystana we Özbegistana «üçleriň gaz birleşigini» döretmek teklibi bilen Russiýa geçen ýylyň noýabrynda üç döwletiň gaz pudagyndaky täjirçilik bähbitlerini utgaşdyrmak maksady bilen çykyş edipdi.
ORIENT habarlar
