Mirziýoýewi Özbegistanyň prezidentiniň saýlawlaryna dalaşgär hökmünde hasaba aldylar
Özbegistanyň Merkezi saýlaw topary häzirki prezidenti Şawkat Mirziýoýewi döwlet baştutanynyň möhletinden öňki saýlawlara dalaşgär hökmünde hasaba aldy.
Bu karar toparyň geçen mejlisinde kabul edildi. Mirziýoýew bilen bir hatarda MST tarapyndan ýurduň syýasy partiýalary tarapyndan hödürlenen ýene üç dalaşgär hasaba alyndy. Bu — «Adolat» sosial-demokratik partiýasyna wekilçilik edýän Robahon Mahmudowa, Ekologik partiýadan Abduşukur Hamzaýew we Ulugbek Inoýatow - Halk-demokratik partiýasynyň wekili.
Özbegistanyň prezidentiniň möhletinden öňki saýlawlary 9-njy iýula bellenendir. Saýlaw kampaniýasy 10-njy maýda başlandy. Bu konstitusiýa düzedişler girizilenden soňra geçirilýän ilkinji prezident saýlawlary bolar, ol düzedişler döwlet baştutanynyň ygtyýarlyklarynyň bäş ýyldan ýedi ýyla uzaldylmagyny göz öňünde tutýar.
ORIENT habarlar
