OPEK ýurtlary 2024-nji ýylda nebiti çykarmaklygy kadalaşdyrmak barada ylalaşdylar
Iýun 05, 2023 | 12:27 |12125
OPEK guramasyna girýän agza-ýurtlaryň çig nebiti çykarmagynyň umumy derejesi her gije-gündizde 40,46 mln barrele deň bolar. Degişli karar OPEK guramasynyň Wenada geçirilen 35-nji ministrler duşuşygynyň jemleri boýunça kabul edildi.
Guramanyň beýanatynda bu kararyň nebit bazarynyň durnuklylygyny gazanmaga we saklamaga gönükdirilendigi bellenilýär.
Indiki ýylyň iýun aýynyň aýagyna çenli OPEK guramasyna girýän ähli agza-ýurtlaryň her biriniň önümçilik kuwwatlyklaryny bahalandyrmak üçin üç sany garaşsyz çeşme tarapyndan bahalandyrma geçiriler.
Hususan-da, IHS, Wood Mackenzie we Rystad Energy monitoringi geçirerler. Seljerme 2025-nji ýylda önümçiligiň gözegçilik derejesini kesgitlemek üçin esas bolar.
ORIENT habarlar
