OPEK guramasynyň Baş sekretary dünýäde nebiti gaýtadan işlemek boýunça kuwwatlyklary artdyrmaga çagyrdy
Iýun 02, 2023 | 15:33 |5719
Nebiti eksport ediji – ýurtlaryň (OPEK) guramasynyň baş sekretary Haýsam al-Gaýs nebit önümlerine bolan barha artýan islegi kanagatlandyrmak üçin dünýäde nebiti gaýtadan işleýji kuwwatlyklary artdyrmagyň möhümdigini nygtady.
Bu barada ol nebiti öndüriji-ýurtlaryň hyzmatdaşlyk hartiýasyna gatnaşyjylaryň, şol sanda OPEK ýurtlarynyň we alýansa girmeýän döwletleriň 13-nji tehniki duşuşygynda beýan etdi.
Al-Gaýs OPEK guramasyna gatnaşýan ýurtlara nebiti gaýtadan işleýji kuwwatlyklary giňeldýändikleri üçin minnetdarlyk bildirdi. Şunuň bilen baglylykda, ol Kuweýtdäki Al Zour, Nigeriýadaky Dangote we Saud Arabystanyndaky Jazan zawodlarynyň gurluşygyny agzap geçdi.
ORIENT habarlar
